Egiteko beste modu bat aldarrikatzen dugulako

Guztion artean komunitatea sortu eta eragile ezberdinen arteko sinergiak eta elkarlana sustatu nahi ditugu. Kideen eta proiektuen arteko konexioak bilatuz iritsiko gara urrunago eta gaitasunak eta ezagutzak batuz prozesua bizigarriagoa egingo dugu.

KIDEAK

Egiako Artxibategi Grafikoa

Donostiako Egia auzoari buruzko irudiak batu, segurtasunez gorde eta auzokide guztien eskura jarriko dituen egitasmo herrikoia gara. Teila Fabrikak hauspotuta, aspalditik gai honekiko sentsibilitatea genuen hainbat auzotarren ekimenez sortutako proiektua da.

Aholkularitza

Aholkularitza, bitartekaritza eta bide laguntza zerbitzuak eskaintzen ditugu, enpresa, elkarte, entitate eta pertsonentzat. Komunikazioa eta zubia gara, bakoitzak bere bidea egiteko behar dituen gune, gaitasun, tresna eta bitartekoak eskaintzeko eta bilatzeko.

Sare Herritarra

Giza eskubideen eta konponbidearen aldeko Sare Herritarra gara. Euskal presoen giza eskubideen alde egiten dugu lan. Ezberdinen artean zubiak eraikitzen ditugu elkarlanean, elkarbizitzan bake iraunkor bat lortzeko helburuarekin.                                                           

Coach eta Formakuntza Erreztaile

Coaching metodologia erabiliz, kontzientzia hartu eta aldaketara motibatzen ditut pertsonak eta taldeak. Hala, saioak bakarkakoak edo taldekoak izan daitezke. Alorrak: Komunikazio Eraginkorra, Gatazken prebentzio eta kudeaketa, Motibazioa,  Egin behar eta denboraren kudeaketa, Talde lana, Emoziotegia…

Egialan

Mantentze-lanak eta garbiketa

Gremioen koordinaziora dedikatzen gara, eta garbiketa eta mantentze-lanak egiten ditugu esparru ezberdinetan.

Olatu-Horma
Zerbitzu enpresa

Lurraldea, ekonomia soziala eta komertzio bitartekaritza ditu lan arlo nagusitzat, eta hiru ardatz horietan kokatzen diren proiektuak sustatu eta kudeatuko ditu. TEILA FABRIKA da gure lehen proiektu handia.

Hardit
Ekimen taldea

Proiektu kolektiboetarako aholkularitza. Bidelaguntza  eremu organizatiboan eta finantziazio bidean.

Dar-dar produkzioak

Gizarte ekimenezko kooperatiba

‘Dar-dar produkzioak’ arteak, gizarteak eta kulturak bat egiten duten eremuan sortzen da. Gizarte eraldaketa bultzatzeko eta justizia soziala bermatzeko ari gara lanean.

Txangoka

Ibilaldi kulturalak

Euskal Herria ezagutzeko laia eta talaia.

Emarikoop

Ideia laborategia

Nazio identitatearen adar guztiak (lehengokoak eta berriak), arte zirkuitu bizia, euskal imajinarioaren erakusleiho erraldoia eta identitate komunitarioaren mugarria barnebilduko dituen langintza.

SAREA

Olatukoop

Euskal Herriko ekonomia sozial eraldatzailearen sarea

Ekonomian eta ekintzailetza ekonomikoan modu eraldatzailean jarduten dugun enpresa, elkarte, erakunde eta kooperatibek osatzen dugu OlatuKoop sarea. Kideen arteko elkartasuna, jendartearen ongizatea, eta gure jarduera ekonomikoak ondare komunari ekarpen bat egitea dira gure helburuak.

error: Content is protected !!