JAN ETA JABE
Saretuz, Setem Hegoa Haizea eta Teila Fabrikaren artean solasaldi berezi hau antolatu dugu Elikadura burujabetza inguruan. Bertan, egunerokoan presente dugun elikadura, nahi dugun mundua eraldatzeko bidea dela tinko uste duten hiru ekimen oso interesgarri eta inspiratzaile gertutik ezagutuko ditugu.
Gonbidatuak Biela y Tierra, Uliako lore baratzak eta Egiako azoka txikia izango dira. Bakoitzak bere proiektua azaldu ondoren solasaldi bat egongo da.
Solasaldia euskeraz izango da, nahiz eta hizlari batzuk gazteleraz egin, momentuko itzulpena eskainiko da.
Topaketa hau, Egian martxan jarri nahi den elikadura burujabetza ardatz duen prozesu partehartzaile baten barruan dago. Ibilbide honekin jarraitzeko, Maiatzaren 11ean Doka antzokian “Y si mueren los tritones” antzerki foroa antolatuko dugu Mar de el norte konpaniarekin. Helburua, elikadura burujabetza inguruan hausnarketa eta alternatiba ezberdinak lantzea da. Animatu eta parte hartu prozesu berritzaile honetan!
Jende txiki askok, leku txikietan, gauza txikiak eginez, mundua alda dezakegula uste dugulako espero zaitugu.