Maiatzeko Bikografiak saioan, Jone Amezagaren (dantzaria) eta Koldo Soreten “Chico Tornado” (musikaria) ibilbideak ezagutu ditugu Oihana Maritorenak (irakasle eta antzezlea) gidatutako elkarrizketan.
Bikografiak saioa Bagera Elkarteak sortutako egitasmoa da. Bi parte hartzaileen biografien errepasoa izango da saioen ardatza. Elkarrizketa informal hauen bidez, hizkuntzak herritarren bizitza pertsonaletan eta eguneroko bizitzan duten isla jarri nahi dugu agerian. Hamaika Telebistak ekoitzia eta Teila Fabrikan grabatua, 2022ko maiatzaren 27an.